Zuwegung zur neuen Siedlung

Ganz im Norden der Kirchengemeinde Middoge liegt die Siedlung Neu Augustengroden. Um sie zu erreichen, fährt man noch heute durch Javenloch. Eine Gaststätte trägt den Namen des alten Ortsteils, ein Kaffeehaus gehört auf der anderen, der östlichen Straßenseite schon zur Kirchengemeinde Hohenkirchen.

Von einer Schmiede kann ich noch aus eigener Kenntnis berichten, aber sie ist längst aufgegeben.

Von der Schule habe ich nur vom "Hörensagen" kenntnis. Aber bei der Feier des Konfirmationsjubiläums wurden sehr persönliche Erinnerungen up platt vorgetragen.

"Doch de Eer de dreiht - un de Tied vergeiht!" 

Erinnerungen an de ole Tied

Am 11.03.1967 Schülertreffen

mit Lehrer Wilhelm Küver bei Groenewold, Friederikensiel

Dat geev'n Tied, noch nich lang heer,

do leepen ant Dick völ Schaap un Peer,

de graasen in 't gröne Land,

weern se nich just vör'n Wagen spannt.

 

Weet ji dat noch, wu't domals weer,

in Javenlock an d' Diek?

Denkt torüch, so lang is dat ja noch nich heer,

un doch, de Tied is wiet!

 

Kcen Trecker, Moped oder sonst "n Maschin

mok domals Krach up Straat un Sand.

Un dör de Luft donnern keen Düsenmaschin,

gung all bült stiller to in uns Marschenland.

 

Doch de Dieken stunn'n ok do all dor,

äs Schutz vör'n blanken Hans.

An hör bleuh'n Blöm'n, wunnerbor.

 

Weer büld to dohn, domals upt Land,

denn keen Meihdöschker oder Vullerntemaschin

mook de Arbeit, se wur dann van Minschenhand.

 

Mit 2 - 3 - 4 Peer vor de Ploog wur  plögt,

ok deepbood äs vandaag,

un in Harvst mit Seis un Sicht

wur de Frucht afmeiht, in jeder Laag.

 

De Hocken stunn'n denn in lang Riegen,

utricht äs bie't Militär,

bit se nah binnen fohrn wurn,

ja, all dat sütt man vandaag nich mehr!....

 

De Tee aver regeer ok domals all,

villicht schmuck he beter äs vandaag,

denn Leitungswater geevt noch nich

un över chlorhollerk Regen water wur nie klaagt.

 

Do geevt keen Ajax un keen Dash,

keen Tretsch un ok keen Kukident,

keen Glanzer, Waschmaschin, Lenor un sonst so wat,

keen Nylonstrümp un Nylonhemd!

 

Weetst du noch, wu't domals weer,

de Tied äs Kind in't Öllernhus an d' Diek?

De Tied is wiet, se kummt nich weer, -

wu weer se noch, uns Kinnertied ?

 

Domaals weer sovöl noch anners,

besünners har de Minsch mehr Tied.

An d' Diek kunnst sehn völ Schaap mit Lammers

un stolze Peer upt anner Siet.

 

De Wohnungen weem meesttieds lütt un kleenig,

ok langst nich so modern äs jetzt.

Gemütlich aver weert, dor sünd wi uns eenig,

ok ohn Waterleitung un ohn Fernsehnetz.

 

Wie Kinner drogen warme Holschen

un harn sülvstrickt Strümpen an.

De kunn'n nich sacken, denn wie drogen Leibchen!

Nee Futterhemd'n keem'n to Wienachten an.

 

De Deerns, se weem noch to erkenn'n,

se drogen keen Twistbüxen üm de Lenn'n.

Immer nett Kleeder harn se an

un an de Haarzöpf weer'n moi Schleifen an.

 

To Huus, dor stunn keen Flimmerkist,

ok Radios weer'n noch nich faaken.

De Grammophons, se weem in Würd

mit all de moije Platen:

 

„Holderblum der Männertreu'', „Mariechen saß weinend im Garten"

„Treuer Husar", „Du, du liegst mir im Herzen"

un „Laß mich nicht langer warten"....

 

Vandaag is manches anners worn,

man seggt beter, moderner im so,

doch denkt man torüch, so wor't eenem klaar,

ok froher, do weem de Minschen tofree un froh!

 

Uns School to'n Bispill, de weer blot lütt,

vandaag weer man bestimmt dortegen.

Wie weern dorin aver best up Stück

un so dumm sünd wi ok ja nich bleven.

 

Uns Mester hat't bestimmt nich licht, wi seet'n all tosamen,

doch he hett uns richtig richt, un wi sünd wiederkomen.

De Javenlocker School, de gifft nich mehr,

beten deiht een dat doch sehr.

Doch de Eer, de dreiht - un de Tied vergeiht!

 

Hans Janssen, 09/2010

weitergegeben zum Konfirmationsjubiläum 1. Sept. 2013

Kontakt

Kirchengemeinde Tettens/Middoge

Schmiedestraße 7

26434 Tettens

Tel.: 04463 444

 

Pastorin ab 1. September 2016

Pastorin Anna Bernau

Tel.: 04463 444

anna.bernau(at)kirche-oldenburg.de

 

Kirchenbüro

Freitags 8.00 - 12.00 Uhr

Tel.: 04463 444

E-Mail: christine.conring(at)kirche-oldenburg.de

 kirchenbuero.tettens-middoge(at)kirche-oldenburg.de

 

Der Gemeindekirchenrat Tettens

Der Gemeindekirchenrat Middoge

Der Gemeindekirchenrat Oldorf

  • RSS
  • Zum Seitenanfang
  • Seite drucken

© 2019 Ev.-luth. Kirchengemeinde Tettens | Schmiedestraße 7 | 26434 Wangerland | Tel.: 04463-444 | E-Mail: kirchenbuero.tettens-middoge@No Spamkirche-oldenburg.de | http://tettens.kirche-oldenburg.de